DIE REGTE
PLEK

Konferensies

Kongresse

Verjaarsdae

Troues

Oor die venue

As jy die gejaag van die stadslewe vir ‘n tydjie wil agterlaat en ‘n venue met ou-wêreldse sjarme en gasvryheid vir jou funksie soek – waar uitmuntende diens seëvier – dan is Idma@Kapel die regte plek vir jou.

Ons Span

 

Idma@Kapel is geleë op Idi en Marinda Teubes se plaas in die Kapel, ‘n area tussen Klawer en Vredendal, wat bekend is vir sy natuurskoon, wingerde en vrugbare plase gevoed deur die water van die Olifantsriver.

Idi Teubes


Idi is mede eienaar van Idma@Kapel en is ‘n kenner in die gebied van klank en toerusting. Idi is ook verantwoordelik vir braaigeriewe asook die aansteek van die vure met onthale en funksies.

Marinda Teubes


Marinda is mede-eienaar van die Idma@Kapel-venue en is uiters vaardig in geleentheidsbeplanning. Sy tree op as koördineerder van troues en funksie wat by Idma@Kapel gehou word en is ‘n uitstekende stileerder en dekor-beplanner.

Klein-Jan Teubes


Klein-Jan is ‘n fynproewer en koskenner. Hy maak seker dat resepte en nuwe toevoegings tot die spyskaart van ‘n internasionale standaard is. Hy is die oudste seun van Idi en Marinda Teubes en is baie betrokke by hierdie familie-besigheid en venue.

Die span


Jaco Lot, Fé en Boerie is plaaswerkers by die Idma@Kapel-venue. Dié vaardige en vriendelike span is uit die aard van wat Idma@Kapel bied, ook opgelei in restaurantwese en onthaalbestuur.

JA


JA is bestuurder van die kroeg en is kundig op die gebied van klank en klankvereistes tydens funksies by Idma@Kapel. JA is die jongste seun van Idi en Marinda Teubes en is baie betrokke by hierdie familie-besigheid en venue.

Wil jy meer oor ons uitvind? Vul die vorm onder in.

 

Ons span sal jou binnekort kontak om meer inligting aan jou te verskaf. Ons voeg jou ook op ons nuusbrief-databasis om gereeld inligting oor ons venue en streek aan jou te stuur.

Waar gaste persoonlik verwelkom word

Idma@Kapel is ’n unieke venue waar gaste persoonlik verwelkom word. Ons bedryf ons plek met passie en met respek vir elke mens en vir die natuur en omgewing. Ons tree altyd professioneel op, maar ons maak seker ons en ons gaste geniet dit hier.
Ons venue nestel op ’n druiwe- en groenteplaas op Kapel, in die hart van die vrugbare Olifantsriviervallei, tussen Klawer en Vredendal. Dit is baie naby die N7, wat die Kaap en Namibië en ook die Kaap en Upington verbind.
Eienaars Idi en Marinda Teubes en ‘n toegewyde en bekwame span verseker dat elke funksie perfek beplan en uitgevoer word, en kliënte dit net kan geniet. Gasvryheid is die wagwoord op hierdie mooi plek.
Idma@Kapel is ideaal geleë op die walle van die rivier waar mens kan wegkom van die daaglikse gewoel en die platteland op sy beste kan ervaar. Die venue is naby genoeg om die talle wynplase in die distrik te besoek en ook om die heerlike Weskus- en Olifantsrivierwyne te geniet. In die lente is die internasionaal-bekende veldblomroete op hul voorstoep. Besoekers kan hul funksies so reël dat hulle nie die unieke prag van die Namakwaland kan mis nie.
Ons geriewe is perfek vir konferensies, troues, kongresse, opleiding, verjaarsdae en selfs vir produkbekendstellings of net om lekker saam met vriende bymekaar te kom. Die pragtige tuin met groot bome, langs die wingerde en die rivier, bied afwisseling om regte kreatiewe denke te stimuleer. Marinda en haar spysenieringspan het internasionale opleiding om seker te maak voorbereiding en aanbieding van alle etes is werklik uit die boonste rakke en smaaklik.